- Varahlutirnir okkar eru rekjanlegir. Þar sem BSI hefur vottað starfsemi okkar skv. BGS gæðastaðli 5.0 2013, þá ábyrgjumst við rekjanleika varahlutarins og tryggjum góða þjónustu. Ef varahlutur passar ekki eða virkar ekki, þá er bara að fá því skipt eða endurgreitt.
- Endurunninn varahlutur er að jafnaði á 50% lægra verði en nýr – Og það er allt í lagi með hann, því ferlið við meðhöndlun á honum er gæðavottað, sem þýðir að hægt er að rekja hann til upprunabifreiðar. Ef eitthvað klikkar, þá finnum við annan fyrir þig eða endurgreiðum þér. Hér eru mjög svo aðgengilegir skilmálar um kaup á varahlut hjá okkur.
- Notaður varahlutur er oft betri en nýr „universal“ varahlutur. Með því að kaupa endurunninn varahlut sem hefur verið meðhöndlaður samkvæmt ströngustu stöðlum um endurvinnslu og gæðavottunarferli, geturðu verið viss um að fá akkúrat réttan hlut í bílinn þinn, því hann er fullkomlega rekjanlegur. Stundum hefur ekki reynst vel að kaupa „universal“ varahluti, þar sem þeir passa því miður oft ekki.
- Þú leggur þitt að mörkum til hringrásarhagkerfisins. Netpartar er samfélagslega ábyrgt fyrirtæki sem stundar umhverfisvæna endurvinnslu á því hráefni sem fellur til frá bílum sem farnir eru af götunni. Í dag erum við eina verkstæðið í akkúrat þessum bransa sem er umhverfisvottað af BSI skv. ISO 14001:2015 staðlinum, þannig að þú getur treyst því að við höfum velferð umhverfis að leiðarljósi í okkar starfi.
- Þú minnkar kolefnisfótsporið með því að versla endurnýtt og með því að versla heima fyrir. Mikið af varahlutum, nýjum og notuðum eru keyptir erlendis frá. Það er engin ástæða til þess ef þú finnur hann hér heima. Þannig stuðlarðu að því að minnka kolefnisfótsporið þitt í stað þess að láta senda pakka þvert yfir hnöttinn, sem kostar líka pening.
Að endurvinna bíl